Project SARS 微波行動

甚麼是「微波行動」Project SARS？

我們發起這個「微波行動」 Project SARS- Substituting Anxiety with Radiant Spirit，是希望成為積極互助的支援系統的一部份，而你們每一個正念，每一個積極行動，都能令此支援系統更為完善。誠邀你們一起將健康精神力量的「微波」散發開去，化焦慮為行動，化不滿為體諒，化埋怨為欣賞，化擔憂為希望；讓更多市民在注重身體健康之餘，更知道要照顧自己和親友的情緒及精神健康，進一步發揮守望相助、同舟共濟的精神，驅散籠罩在香港的負面、不安、甚至是恐慌的情緒，在「身、心、靈、智」各方面都更為健康！

第一波之都是有「情」人－由「非典型肺炎」引發的情緒反應

近日，有下列感覺及反應的人可真不少：

1. 擔憂

「下一個『中招』嘅會唔會係我？」
「今次真係『貧病交迫』，再係咁，遲早公司都捱唔住，到時…」
「究竟公司個中央冷氣系統係咪真係有洗嫁，咁多人焗住係一座大廈，好危險啫！」

2. 神經質

「嘩，呢個人啱啱咳咗聲喎，係咪『有料』？」
「老婆，你買咗十幾樽漂白水囉喎，仲要買？」
「吓？！Peter仔個女朋友個同事中咗招，係咪嫁？…乜Peter仔有女朋友嘅咩？」

3. 惶恐

「Marianne, rush to the supermarket right now and buy whatever you can grasp!」
「呢兩晚都瞓唔好，食嘢都麻麻咋，好似啲嘢殺到埋嚟咁．．．」
「阿仔，阿女，快D嚟探熱！」「啱啱探咗無幾耐咋，又探？！」

4. 缺乏安全感

「做人就係咁兒嬉，唔到你唔化！」
「有錢都咪用呀，你點知遲D點呀！」
「出門口禁吓電梯都話有機會中招，喺街食嘢又唔知乾唔乾淨，唉，就黎吸口氣都話唔得嫁喇。」

©周明輝2003

5. 發悶

「日日放工都返屋企，已經成兩個禮拜無Shopping同睇戲喇。」
「扭開電視，唔係非典型肺炎就係伊拉克，仲有無第樣嘢講嫁？！」「有，明星跳樓囉！！！」

©周明輝2003

6. 憤怒

「最衰董建華啦，一句講晒，自願離職喇。」
「乜D官反應咁慢嫁，自私到死，高危又唔蒲頭(去隔離)．．．」
「一早就應該『咩』啦呵…係人都知要『咩』啦！」(『咩』請自行填充)

7. 疲累

「早幾日搶口罩，跟住又搶漂白水，噚日搶完白米同罐頭…今日搶咩呀？」
「Office有兩個同事無返工，老細叫D人有乜唔舒服就唔好返工喎，咁咪即係叫我哋做多份！」

©周明輝2003

你想繼續這樣下去嗎？

不想的話，請改變一下想法和做法：

為出院的人歡呼
為正在接受治療的病者打氣
向前線的全體工作人員致敬
向被隔離的人士致謝
為自己能將「恐慌」轉化成小心、謹慎而欣慰
為自己的存在而感恩 ......

第一波之「非典型」假期，同學們齊來關注身心健康

親愛的同學們：

你們好啊！這可不是客套的說話，而是我真心的祝福，希望你們在這個「非典型」的假期中，真的過得很好：一方面能保持身心健康，另一方面也能夠善用你們的時間。
自從三月二十九日教統局宣布停課後，到今天也差不多有十日了，這些日子，你們在家做了些甚麼？嗯......如果你一時想不起來，就讓我邀請你做個測試吧！

悠長假期身心健康無敵大測試！！
是	否	以下哪些句子是形容你的假期生活的？把它們出來吧：
		我每天早上十時前起床
		我每晚十時半前睡覺
		我每天都吃早餐
		我每天都會做些運動
		我每天都吃水果
		在星期一至星期五，我每天都會抽出最少兩小時做作業或看看教科書
		我有看課外書
		我每天看電視的時間少於兩小時
		我每天花在電子遊戲 (包括網上遊戲和電子遊戲機) 的時間少於兩小時
		我每天花在ICQ聊天或電話閒談的時間少於一小時
		我必先得到父母同意才出外
		我出外時有用口罩保護自己，也保障別人
		我外出回家時必定先洗手
		我更珍惜與家人相處的時間
		我每天都有幫手做家務

0-6：	你不能好好運用你的時間啊，你未能好好照顧你的健康，但請不要灰心，由今天起改善自己，仍不太遲哩！
7-11：	你有安排時間及照顧自己的能力，很不錯呀，你仍可以做得更好的，繼續努力，加油！
12-15：	恭喜你！你是一個極具自律性的人，也很懂得善用時間，你知道嗎？這也是大部分成功人物的特質呢！
讓我給你一個小挑戰吧。請你選上兩句你答「否」的項目，作為自己的新目標。當你達到了這新的目標，又可以再選另外兩句答「否」的項目作為目標。到了假期結束時，相信你一定能做到測試中所有的項目了！王悅上